વલસાડમાં કુંભઘાટ નજીક ગમખ્વાર અકસ્માત, ટ્રકમાં કાર ઘુસી, એક જ પરિવારના 7 લોકોના કરૂણ મોત | Eco and truck accident in Kaprada Valsad
Valsad Accident: વલસાડ જિલ્લાના કપરાડા તાલુકાના કુંભઘાટ નજીક આજે એક હૃદયદ્રાવક અકસ્માત સર્જાયો છે. કપરાડા-નાનાપોંઢા હાઈવે પર ઈકો કાર અને ટ્રક વચ્ચે થયેલી જોરદાર ટક્કરમાં બે મહિલા અને પાંચ પુરુષના ઘટનાસ્થળે જ કરૂણ મોત નીપજ્યા છે, જ્યારે અન્ય બે લોકો ગંભીર રીતે ઘાયલ થતાં સારવાર અર્થે હોસ્પિટલ ખસેડવામાં આવ્યા હતા.
કપરાડામાં અકસ્માતમાં 7 લોકોના મોત
મળતી માહિતી મુજબ, અકસ્માતનો ભોગ બનેલા તમામ લોકો કપરાડા તાલુકાના આંબા જંગલ ગામના રહેવાસી હતા. તેઓ પોતાની ઈકો કારમાં સવાર થઈને કપરાડાથી નાનાપોંઢા તરફ જઈ રહ્યા હતા, આ દરમિયાન કુંભઘાટ નજીક ટ્રક સાથે તેમની ઈકો કારની જોરદાર ટક્કર થઈ હતી.
અકસ્માતને પગલે આસપાસના લોકો તાત્કાલિક મદદ માટે દોડી આવ્યા હતા. સ્થાનિકો અને પોલીસની મદદથી કારમાં ફસાયેલા લોકોને બહાર કાઢવામાં આવ્યા હતા. આ દુર્ઘટનામાં 7 લોકોએ જીવ ગુમાવ્યા છે. જ્યારે 2 લોકોને ગંભીર ઈજાઓ પહોંચતા તેમને તાત્કાલિક નજીકની હોસ્પિટલમાં સારવાર અર્થે ખસેડવામાં આવ્યા છે.
મૃતકોની વિગત અને ઓળખ
અકસ્માતમાં જીવ ગુમાવનાર આંબાજંગલ ગામના વ્યક્તિઓની યાદી નીચે મુજબ છે:
કિશનભાઈ મહાદુભાઇ ગંગોડા (ઉંમર: 72 વર્ષ)
વિનોદભાઈ અનાજીભાઈ રાઉત (ઉંમર: 32 વર્ષ)
ગણેશભાઇ લાસ્યાભાઇ મિસાલ (ઉંમર: 33 વર્ષ)
નરેશભાઇ કિશનભાઈ પવાર (ઉંમર: 29 વર્ષ)
શિવરામભાઇ લાહનુંભાઇ
રમીલાબેન શિવરામભાઈ માંગી (ઉંમર: 31 વર્ષ)
અન્ય એક મૃતકની ઓળખ બાકી
