મહિલા શિવજી કી સવારી જોવા રહ્યાને ગઠિયો ગળામાંથી સોનાની ચેન સરકાવી ફરાર..!! | chain snatching incident in shivji ki savari at vadodara
Vadodara : વડોદરા શહેરના નિઝામપુરા વિસ્તારમાં રહેતા અને પ્રતાપગંજ ખાતે પોસ્ટમાં શોર્ટિંગ આસિસ્ટન્ટ તરીકે નોકરી કરતા કર્મચારીના પત્ની સાથે મહાશિવરાત્રી નિમિત્તે ભગવાનની શોભાયાત્રા જોવા માટે ઉભા હતા. તે દરમિયાન મોટી સંખ્યામાં ભક્તોની ભીડ હોય કોઈ ગઠિયાએ મહિલાના ગળામાંથી રૂપિયા 1.45 લાખની સોનાની ચેન હાથ ચાલાકીથી તેમની નજર ચૂકવીને સરકાવી લીધી હતી.
સુરેન્દ્રનગરના અને હાલમાં નિઝામપુરા વિસ્તારમાં આવેલી સુશીલ કુમાર સોસાયટીમાં રહેતા મનીશાબેન પંકજકુમાર સોલંકી (ઉ.૫.31)ના પતિ પંકજભાઈ ભારતીય ડાક વિભાગમાં પ્રતાપગંજ ખાતે શોર્ટિંગ આસીસટન્ટ તરીકે નોકરી કરે છે.
15 ફેબ્રુઆરીના રોજ મહાશિવરાત્રી તહેવાર નિમીતે નિકળનાર ભગવાન શીવજીની ભવ્ય શોભાયાત્રાના દર્શન માટે સવા ચાર વાગ્યા આસપાસ મહિલા પતિ પંકજ અને દિકરી સાથે નાની શાક માર્કેટ નંદલાલ કચોરી પાસે આવી મોપેડ પાર્ક કરી શીવજીની સવારી જોવા માટે ગંગા સાંઈ ચાઈનીઝની સામે જાહેર સૌચાલયની બાજુમાં ઉભા રહ્યા હતા.
શીવજીની શોભાયાત્રાના દર્શન કરી આશરે સાંજના સાડા પાંચ વાગ્યા આસપાસ તેઓ પરત ઘરે જવા નીકળ્યા હતા. મહિલા અને મોપેડ જ્યાં પાર્ક કર્યું હતું ત્યાં ગયા હતા ત્યારે
મહિલાએ તેમના ગળા પર હાથ ફેરવ્યો હતો. ત્યારે તેમણે પહેરેલી સોનાની ચેઇન જણાઈ આવી નહી. જેની જાણ તેઓએ તેમના પતિને કરતા પતિ પત્નીએ નંદલાલ કચોરી તથા દર્શન કરવા ઉભેલા હતા. તે જગ્યા પર જઈ તપાસ કરી હતી તથા મારા પતિએ તેમના મીત્ર દિપક માળીને ફોન કરી બોલાવ્યો હતો. ત્યાર બાદ તેઓએ આજુબાજુ તપાસ કરી હતી પરંતુ મહિલાએ પહેરેલી સોનાની ચેન મળી આવી ન હતી.
જેથી શોભાયાત્રાના દર્શન કરી રહ્યા હતા તે દરમિયાન કોઇ ગઠિયાએ ભીડનો લાભ મહિલાના ગળામાંથી સોનાની ચેન આશરે 17 ગ્રામની કિ.રૂ.1.45 લાખ સવારીના દર્શન દરમિયાન નજર ચુકવી સરકાવી લીધી હોવાની ફરિયાદ ફતેગંજ પોલીસમાં નોંધાતા પોલીસે ગઠિયાની શોધખોળ હાથ ધરી છે.
