गुजरात
મકરપુરા GIDCની ઓફિસના કાચ તોડી 9 લેપટોપ અને અન્ય ચીજો ઉઠાવી જનાર બે ચોર પકડાયા | Two thieves arrested for stealing 9 laptops from Makarpura GIDC office at vadodara
Vadodara Theft Case : વડોદરામાં મકરપુરા જીઆઇડીસી વિસ્તારમાં આવેલી એક ઓફિસના કાચ તોડી લેપટોપ સહિતની ચીજો ઉઠાવી જનાર બે ચોરને ક્રાઈમ બ્રાન્ચે ઝડપી પાડ્યા છે.
વડસર રેલવે ટ્રેક પાસે ક્રાઈમ બ્રાન્ચની ટીમ પસાર થઈ રહી હતી તે દરમિયાન બે યુવકો થેલા સાથે ટ્રેક પરથી પસાર થતાં નજરે પડતા પોલીસે તેમને અટકાવી તપાસ્યા હતા. જે દરમિયાન તેમની પાસેથી 9 લેપટોપ, બે મોબાઈલ અને કોપર વાયરોના બંડલ મળી આવ્યા હતા.
પૂછપરછ દરમિયાન એકનું નામ આકાશ પ્રકાશભાઈ ગોદડીયા (જીઆઇડીસી પાણીની ટાંકી પાસે) અને બીજાનું નામ અક્ષય ચંદ્રકાંત દંતાણી (કલાલી વુડાના મકાનમાં) હોવાનું ખુલ્યું હતું. જેથી બંને જણાને માંજલપુર પોલીસ સ્ટેશનમાં સોંપવાની તજવીજ કરવામાં આવી છે.
