ગુજરાતના હાઇવે પર એક વર્ષમાં 5450 કરોડના ટોલ ટેક્સની વસૂલી, ભરથાણા સૌથી કમાઉ ટોલ પ્લાઝા | Gujarat Highways Collect Rs 5 450 Cr Toll in a Year Bharuch’s Bharathana Tops List
Gujarat Toll Tax: ગુજરાતનું ભરથાણા દેશનું સૌથી કમાઉ ટોલ પ્લાઝા છે. તેની કમાણી 400 કરોડ રૂપિયાથી પણ વધારે છે. છેલ્લા 5 નાણાકીય વર્ષમાં તેણે સરકારને 2,158.39 કરોડ રૂપિયા કમાવી આપ્યા છે. ભરથણા ટોલ પ્લાઝા નેશનલ હાઇવે 48 પર વડાદરા અને ભરૂચ વચ્ચે આવેલું છે.
ગુજરાતનું ભરથાણા સૌથી કમાઉ ટોલ પ્લાઝા
વર્ષ 2024-25માં ગુજરાતના નેશનલ હાઇવેના ટોલ ફ્રી પ્લાઝામાંથી 5450.20 કરોડ રૂપિયાની આવક થઈ છે. આ સ્થિતિએ ગુજરાતમાં આવેલા નેશલ હાઇવે ટોલ ફી પ્લાઝાથી દરરોજ સરેરાશ 14.93 કરોડ રૂપિયાની આવક થાય છે. વધુ વિગતવાર જોવામાં આવે તો પ્રતિ મિનિટે 1.04 લાખ રૂપિયાની લેવડ-દેવડ નેશનલ હાઇવેમાંથી થઈ રહી છે.
આ પણ વાંચો: ક્રાઇમબ્રાંચે બે માથાભારે વ્યાજખોર વિરૂદ્ધ મની લોન્ડરીંગનો ગુનો નોંધ્યો
ભરથાણા ટોલ પ્લાઝા મુંબઈ-દિલ્હી માર્ગ પર આવેલું છે. આના કારણે અહીંથી પસાર થતા વાહનોની સંખ્યા ઘણી વધારે છે. કાર, જીપ અને વાનથી યાત્રા કરનારાઓ પાસે 155 રૂપિયાનો ટોલ વન-વે સાઇડ માટે લેવાય છે અને ટુ-વે એટલે કે આવવાજવાનો ટોલ 230 રૂપિયા લેવામાં આવે છે. જ્યારે તેનો માસિક પાસે પાંચ હજાર રૂપિયાનો છે. ભરથાણા બાદ બીજા નેબરનું ટોલ પ્લાઝા રાજસ્થાનના શાહજહાંપુરનું છે. તેણે છેલ્લા પાંચ વર્ષમાં સરકારને 1,884.49 કરોડ રૂપિયા કમાવી આપ્યા છે.
પ્રવાસીઓના આગમનના કારણે ટોલ પ્લાઝાને નોંધપાત્ર કમાણી થાય છે. આ ટોલ પ્લાઝા પણ નેશનલ હાઇવે 48 પર આવેલો છે. જ્યારે ત્રીજા નંબરનું સૌથી વધુ કમાણી કરતું ટોલ પ્લાઝઆ પશ્ચિમ બંગાળનું જલધુલાગૌરી છે. તેની છેલ્લા પાંચ વર્ષની કમાણી 1,538.91 કરોડ રૂપિયા છે. તે નેશનલ હાઇવે 16 પર આવેલું છે. ટોલ ટેક્સથી કરોડો રૂપિયાની આવક થવા છતાં વાહનચાલકોને ખખડધજ રોડ મળે છે.
