ડ્રિન્ક એન્ડ ડ્રાઇવઃન્યુ વીઆઇપી રોડ પર રાતે દારૃના નશામાં બેફામ ટ્રક ચલાવતો ડ્રાઇવર પકડાયો | truck driver caught for drink and drive at new vip road

વડોદરાઃ શહેરમાં દારૃના નશામાં બેફામ રીતે વાહનો હાંકી લોકોની જિંદગી જોખમમાં મુકતા વાહનચાલકો સામે પોલીસ ઝુંબેશ ચલાવી રહી છે.ગઇ મધરાતે આવી રીતે એક ટ્રક ડ્રાઇવર પકડાયો હતો.

બાપોદ તરફથી ન્યુ વીઆઇપી રોડ તરફ એક ટ્રકનો ડ્રાઇવર બેફામ રીતે ટ્રક ચલાવી રહ્યો હોવાની માહિતી મળતાં પોલીસે તેને રોકવા માટે તજવીજ કરી હતી.જે દરમિયાન ખોડિયાર નગર પાસે પોલીસે તેને ઝડપી પાડયો હતો.

પૂછપરછ દરમિયાન ડ્રાઇવરનું નામ પ્રિન્સ કુમાર દેવદાસ(સરવાલી,બિહાર) હોવાનું ખૂલ્યું હતું.જેથી તેની સામે ડ્રિન્ક એન્ડ ડ્રાઇવનો કેસ કરી ટ્રક કબજે લેવામાં આવી હતી.