હરણી-સમા રોડની સિધ્ધેશ્વર પ્રાઇમપ્લસ સાઇટના બિલ્ડર ગ્રુપ દ્વારા ઇન્વેસ્ટર સાથે 3 કરોડની ઠગાઇ | builder group of siddheshver prime plus cheated 3 cr with investor
વડોદરાઃ હરણી-સમા રોડ પર આવેલી સિધ્ધેશ્વર પ્રાઇમ પ્લસ સાઇટમાં ઇન્વેસ્ટમેન્ટ કરનાર વેપારીને થોડો સમય વળતર આપ્યા બાદ પેમેન્ટ બંધ કરી કરી દઇ મૂડી પરત કરવાને બદલે ધમકી આપનાર બિલ્ડર સુરેશ પાનસુરિયા અને તેના ભાગીદાર ભાઇઓ સામે ગુનો નોંધાયો છે.
કારેલીબાગના મંગલાપાર્કમાં રહેતા અને બોરસદ ખાતે ગેસ એજન્સી તેમજ વાયર ફેક્ટરી ધરાવતા દર્શિત કમલેશભાઇ શાહે પોલીસને કહ્યું છે કે,મારા પૂર્વ પાર્ટનર અશ્વિન ગોલવીયાના રેફરન્સથી તેમના મામાના દિકરા સુરેશ પાનસુરિયાની હરણી-સમા લિન્ક રોડ પર સ્કૂલ પાસે આવેલી સિધ્ધેશ્વર પ્રાઇમ પ્લસ સાઇટમાં ફેબુ્રઆરી-૨૦૨૪માં રૃ.૨ કરોડનું રોકાણ કર્યું હતું.જેની સામે મને સિક્યુરિટી પેટે ત્રણ ફ્લેટનું બાનાખત કરી આપ્યું હતું.
જુન-૨૦૨૪સુધી તેમણે મને શરત મુજબ દોઢ ટકા લેખે વળતર આપ્યું હતું.ત્યારબાદ સુરેશ પાનસુરિયા અને અન્ય ભાગીદારોએ વધુ રોકાણ કરવા માટે આગ્રહ કરી ૨ટકા વળતર ની વાત કરતાં મેં અને મારા પિતાએ બીજા રૃ.૧કરોડનું રોકાણ કર્યું હતું.જેની સામે મને એક ફ્લેટ અને બે દુકાનનું બાનાખત કરી આપ્યું હતું.એસપી ઇન્ફ્રા ગુ્રપના બિલ્ડરોએ મને ડિસેમ્બર-૨૦૨૪ સુધી વળતર આપ્યાબાદ પેમેન્ટ આપવાનું બંધ કર્યું હતું.
ઇન્વેસ્ટરે કહ્યું છે કે,મારા પિતાને ગંભીર બીમારી હોવાથી મેં મૂડી પરત માગતા બિલ્ડરોએ વાયદા કર્યા હતા.તેમના ચેક પણ બાઉન્સ થતાં મેં ફરિયાદ કરી હતી.જેથી મને પૈસા નહિ મળે થાય તે કરી લેવાની ધમકી આપી હતી.હરણી પોલીસે આ અંગે બિલ્ડર સુરેશ ભાદાભાઇ પાનસુરિયા તેમના ભાઇ મનિષ ભાદાભાઇ,પ્રવિણ ભાદાભાઇ,કિશોર ભાદાભાઇ તેમજ રવિ સુરેશ પાનસુરિયા સામે ગુનો નોંધ્યો છે.
બિલ્ડરે કહ્યું,રીયલ એસ્ટેટમાં તકલીફ છે,ચેક કેમ નાંખ્યો..જોઇ લઇશ
ઇન્વેસ્ટરે પોલીસને કહ્યું છે કે,બિલ્ડર સુરેશ પાનસુરિયા પાસે મૂડી પરત માગતા તેણે મને અને મારા બીમાર પિતાને ઓફિસમાં બોલાવ્યા હતા.જ્યાં સુરેશ,રવિ સુરેશ અને કિશોરે તેમને રીયલ એસ્ટેટમાં તકલીફ છે,ચેક કેમ નાંખ્યો અને ફરિયાદ કેમ કરી તેમ કહી ધમકાવ્યા હતા.તેમણે થાય તે કરી લેવાની અને મને અને મારા પરિવારને જોઇ લેવાની ધમકી આપી હતી.
ઇન્વેસ્ટરને બાનાખત કરી આપેલા ફ્લેટ અને દુકાનો પર લોન લઇ લીધી
બિલ્ડરની સાઇટમાં ઇન્વેસ્ટમેન્ટ કરનાર ઇન્વેસ્ટરે પોલીસને કહ્યું છે કે, મેં સિધ્ધેશ્વર પ્રાઇમ પ્લસ સાઇટમાં કરેલા રોકાણની સામે બિલ્ડર સુરેશ પાનસુરિયા અને તેના ભાગીદારોના ગુ્રપ વતી કુલમુખત્યાર પ્રવીણ પાનસુરિયાએ સિક્યુરિટી પેટે ચેકો આપી ચાર ફ્લેટ અને બે દુકાનનું બાનાખત કરી આપ્યું હતું.પરંતુ ત્યારબાદ તેમણે બાનાખત કરેલી મિલકતો પર પણ બેન્કમાંથી લોનો લઇ લીધી હતી.જેથી પોલીસે આ મુદ્દે કાગળો માગ્યા છે બેન્કમાં તપાસ કરનાર છે.
