વાપીના વાઈબ્રન્ટ પાર્કની એક કંપનીમાં લાગી ભીષણ આગ, ફાયરની 8 ગાડી ઘટનાસ્થળે | Major Fire Breaks Out in Vapi Company Valsad
Vapi Fire Incident : વલસાડ જિલ્લાના વાપીના વાઈબ્રન્ટ પાર્કમાં આવેલી એક કંપનીમાં આજે સોમવારે (2 ફેબ્રુઆરી, 2026) અચાનક આગ સળગી ઉઠતા અફરાતફરીનો માહોલ સર્જાયો હતો. આગના બનાવને લઈને ફાયર વિભાગની 8 ગાડીઓ ઘટનાસ્થળે પહોંચીને આગ પર કાબૂ મેળવવાની કામગીરી હાથ ધરી હતી.
વાપીના વાઈબ્રન્ટ પાર્કની કંપનીમાં લાગી આગ
મળતી માહિતી મુજબ, વાપી હાઇવે પર વાઇબ્રન્ટ ઇન્ડસ્ટ્રીયલ પાર્કમાં આવેલી એક કંપનીમાં આજે સોમવારે સાંજે અચાનક આગ સળગી ઉઠતા ભારે ભાગદોડ મચી ગઈ હતી. આ ઘટનામાં બે કર્મચારીઓ ગંભીર રીતે દાઝી જતા સારવાર માટે હોસ્પિટલમાં ખસેડાયા હોવાનું મળ્યું હતું.
ફાયરની 8 ગાડી ઘટનાસ્થળે
આગ વઘુ તિવ્ર બનતા દૂરદૂર સુધી ધુમાડા જોવા મળ્યા હતા. આગના બનાવને લઈને લોકોમાં ફફડાટ જોવા મળ્યો હતો. એટલું જ નહીં વાઇબ્રન્ટ પાર્કમાં આવેલી અન્ય કંપની, વર્કશોપ, ઓફિસ અને દુકાનમાં કામ કરતા કર્મચારીઓમાં ગભરાટ ફેલાયો હતો.
આ પણ વાંચો: બગદાણા નવનીત બાલધિયા કેસ: મહુવા કોર્ટે 8 આરોપીઓના જામીન મંજૂર કર્યા, 6 આરોપી હજુ જેલમાં
ઘટનાનો પગલે વાપી મ.ન.પા., જીઆઈડીસી, નોટિફાઇડ સહિતના વિસ્તારની 8 ફાયર વિભાગની ગાડી ઘટનાસ્થળે પહોંચી હતી. ફાયરની ટીમે આગ પર કાબુમાં લેવા કવાયત આદરી હતી. આગના બનાવને પગલે પોલીસ અધિકારી સહિત ટીમ પણ ઘટનાસ્થળે દોડી ગઈ હતી. કયા કારણોસર આગ લાગી તે અંગે હાલ કોઈ કારણ બહાર આવી નથી. આમ, એફએસએલ તપાસ બાદ જ કારણ બહાર આવી શકશે.
