સુરતમાં સૂર્યા મરાઠીના ખાસ રાકેશ મારુની હત્યા: જમીનના રૂપિયાની લેતીદેતીમાં પતાવી દીધો હતો
સુરત: સુરત શહેરમાં બુધવારે મોડી રાત્રે રાંદેર વિસ્તાર ના માથાભારે એવા સૂર્યા મરાઠી ના ખાસ અને વિસ્તારમાં કુખ્યાત એવા ગુનેગાર રાકેશ મારૂ ની જાહેરમાં જ હત્યા અજાણ્યા લોકોએ હત્યા કરા નાખી હતી. જાહેરમાં થયેલી હત્યા થી વિસ્તારમાં ચકચાર મચી જવા પામી હતી. આ મામલે રાકેશની પત્નીએ પોલીસ મથકે ફરિયાદ આપી છે. જેમાં આ હત્યા પૈસાની લેતીદેતીમાં કરવામાં આવી હોવાનો દાવો કરવામાં આવ્યો છે.
રાકેશની હત્યા બાદ તેની પત્નીએ રાંદેર પોલીસ મથકે ફરિયાદ નોંધાવી છે કે, આશરે એક અઠવાડિયા પહેલા રાકેશનો રાંદેર વિસ્તારનાી જ દીપેશ રાજપુત સાથે જમીન રૂપિયાની લેતીદેતીમાં ઝઘડો થયો હતો. ફરિયાદ પ્રમાણે જે તે સમયે દીપેશે રાકેશને જોઇ લેવાની ધમકી આપી હતી. આ અદાવતમાં જ હત્યા કરી નાખવામાં આવી હોવાનો પત્નીએ દાવો કરતા ફરિયાદ આપી છે. પત્નીના કહેવા પ્રમાણે બુધવારની રાત્રે તેનો પતિ આસીફ ગાંડાને ત્યાં પાર્ટીમાં જવાનું કહીને ઘરેથી નીકળ્યો હતો.
